2日失敗之旅

發表帖子
来源:轉載

好耐冇出賭帖,原本都冇心情出,因為覺得羞恥。早兩日先教人赢無限,輸有限,點知早兩日自己著燈走失12隻雞。不過寫出來以此借鑒亦未嘗壞事。早幾日先記錄11月至今成績,兩三次大勝其實冇令我驕傲,壞事只係成日覺得都係赢返黎,所以繼續追。

 

11月到現在去左幾次,成績如下;
1次)先輸5萬,反cup帶90000回港。利潤30000
2次)帶20000,一直上水,利潤70000
3次)帶20000直插,再輸25000回港。輸45000
4次)帶20000直插至剩2000,神蹟反彈至170000,利潤150000
5次)漏夜偷跳,先赢13000後清袋,輸22000
6次)漏夜偷跳,先赢8000後清袋,輸15000
7次)漏夜偷跳,先赢8000後清袋,輸44000
8次)漏夜偷跳,先赢5000後清袋,輸5000
9次)30000本在卡,先唱9000本,先輸6~7000後,反勝75000,第二日鎖定65000利潤先滙錢回大陸帳戶後留22000再博。第二晚曾輸剩10000後,賭至零晨再次奇蹟反勝13萬幾。最後鎖定10萬利潤,用3萬大推1萬起步過3關博大霧失敗。利潤100000。二日總利潤165000
10次)極黑仔,連返取錢追數,共失120000。

 

經過呢9次經驗得出結論
1)不要漏夜偷跳,次次死
2)不再去金沙西場,次次死
3)海記雖方便但不就我,小注玩可以。但跑馬機幾過癮。
4)圓鐘兄同平飛兄推崇嘅,赢無限輸有限非常適用夠胆推嘅人士。所以今後我每次都只帶20000,沒有卡。
5)赢谷輸縮非常緊要。輸時不加注,最後一次就係因為冇亂加,得以保留多少彈藥,到遇到自己開始旺時,可以反彈得好快。

 

上星期5,夜晚9點到喜來登。安顿好就落樓下開戰。帶了一張香港中銀卡但冇錢。帶了1張大陸農行卡有30000港紙。先取1萬,都係用最近嘅賭法,起步2000,輸就平注,赢就加1000或先孖上。剛開戰不太順利,上上落落,稍作調整,終於有2,3000利潤。2日來太多牌局未能盡錄,不過會記得某啲關鍵牌。當時,正處於3,4000利潤之際正在進行1牌局。果鋪所有利潤推晒買庄,閒博晒牌後得4點,庄2牌後只有1點,當我正在甩最後一牌時(已經有腳),有條仆街扒狗,行埋黎大嗌“3邊“。

 

 

本人賭錢鍾意靜,亦鍾意單挑,好憎旁邊人嗌牌。條仆街一嗌我已經冇心機再甩落去,直接反開係隻9仔密9埋。我即時起身離枱然後吊9隻扒,我話赢輸開係撚事咩,X你老母。果鋪之後可能多少影響左我心情,1萬不花15分鐘輸晒。然後攞埋戶口果2萬,之後其實已經有黑嘅先兆,上一次大勝好少比人博死,但今次都好多,比如4對6,成日都比人博隻4或5返黎。又或者5對5買庄,連續起碼4,5鋪都比閒博到無邊(吊,明明5對5買庄好撚著數,但次次死),其實當時就要認定自己當日冇運.....攞完2萬後,好快又清袋。

 

 

由於已攞當晚房,時間又早,所以真係唔想走住。所以打比老婆叫佢過15000比我,諗住慢慢玩打下機過埋今晚,行左去金沙城賭,可惜亦係好快清袋。最後死死地氣叫老婆過多2萬比我,再返喜來登。呢刻合共65000本,今次呢兩萬幾掂,感覺啲運返黎,轉眼就推到打平,然後有1雞利潤。關鍵牌再出現,當時手上有75000用4000起孖,第1關順利,8000買第2關閒,赢了利潤就有2萬幾應該會好好推。閒2牌後5點,庄2牌後1點。先叫班長開庄得公1點,感覺穩如泰山,我準備唔甩反我隻牌,突然再有賤扒幫我大嗌“公”,我心知不妙,開牌竟然係隻5密撚左。如此關鍵牌輸得咁唔抵,我簡直怒火衝天,起身又吊9死扒,然後就離枱。

 

然後走入高額區上上落落變回平手65000本。然後坐落一張最低5000既枱,第一注輸5000。第二注見啱路(冇用到自己話左“輸不加注”嘅原則),推左1口15000買閒。閒7點,庄5點,其實都幾穩,班長開牌之際我仲嗌“唔好亂黎呀“,佢老母開隻4出黎,真係想炸撚左張枱去。走失果鋪關鍵牌之後只剩45000,開始心情煩躁,心中對啲死扒狗恨之入骨....想叫自己冷靜始終唔聽使,最終清晨時份清袋回房休息諗住訓醒就走。

唉:下次再來