贏廿萬既心得!

發表帖子
来源:原創

我基本上每個月頭出糧都賭場一次,十居其九都輸錢收場。

 

2015年一月頭,我帶住兩萬蚊去賭場,一如以往咁賭錢,不過今次突然間想去"金沙城".

 

依一次賭錢,我贏左兩萬。其後去多兩次都再各贏兩萬。當4次去果次,我就輸左4萬。

 

本諗住萬念俱灰時(星期六)又再膽粗粗,拎住兩萬去澳門搏殺過。

 

我當時係第一間去既係金沙城,當時贏夠4萬,閃都閃唔切...見贏錢,諗住同個朋友搭車去舊葡京果食lunch.

 

點知按捺不住去左,去"凱旋門"賭場玩左陣,可能當時賭本有6萬,好敢膽搏殺,又贏$5000, 即閃。

 

諗住走去對面"永利" 食餐豪D既飯,點知揾唔到。又按捺不住,走入永利賭場賭錢。又贏左幾千就,急急腳走,可能太肚餓,諗到去"銀河" 賭場食下飯。

 

去到,係餐廳食完,又貪心入"銀河"賭場玩兩手,最終贏左萬五蚊就閃人,當時諗人住坐車的士,可惜星期六,揾極都無,又或者排緊長龍,見情況,死死氣行去對面威尼斯買船飛走人。

 

 

去到威尼斯賭場,又係賭仔性格,玩兩手贏左萬五就急急腳走去金沙城,用積分換船飛。

 

再次去到金沙城,又玩兩手,係度又贏4萬。

當日我好似好運到唔識講....簡直係經典。

,最終袋住連本金12.5萬離開澳門。

*人生第一次贏大公。

 

 

返到香港,D朋友見我贏大錢,我當時心態係一半做儲蓄,一半用黎玩,所以最後我就請三個去澳門桑拿玩左萬幾蚊,玩完桑拿之後,連同我4個人又再一次去"海立方" 賭錢,初初贏一萬幾千,點知最後係何生賭場輸左兩萬蚊,當時好激氣:因為諗坐淩晨4點船,所以趕住賭既心態,由贏幾千,輸左一口百家樂後,一口氣買兩鋪($8000&$10000),連輸兩口.我當時好嬲,鬧我個朋友,你點解買06:30 船飛,你走去講話搭淩晨4點船...因為未必後補補到位,而且令我有趕住賭既心態。嬲嬲地果晚4個朋友,又去"金沙城"... 最後結果,輸左6-7萬,好傷心。

 

我之後,又過黎幾次前前後後,又贏幾次,最後,竟然比我贏返,輸果6-7萬,仲贏突錢走。

 

最後,到左年三十晚,我又再請朋友去澳門桑拿玩,豪駛萬二蚊。之後,一行人,去了金沙城再賭錢,果晚...唔知做咩事,我好著左火,一萬數賭一鋪牌,最後輸6萬蚊,因為提款咭-提款限額爆左,d朋友見我輸6-8 萬,但銀戶口仲剩2萬拎唔到,朋友好人,借左兩萬比我賭,之後朋友就先回香港。我最後用剩餘兩萬,反贏幾萬,離開澳門。

 

本應開開心中過肥年,年初一就再約朋友去澳門賭錢。果日真係黑仔到無朋友,係屋企樓下想搭的士,無的士,打算坐車去上要碼頭,點知13:30船,又13:28 到碼頭,想過開關去坐船,又話架船開左,坐下一班,落到下麵金光飛航,叫佢補14:00比我地。點知D職員話,遲到要自已排後補,我同另兩個朋友就同D職員開年,當時13:28 係金光飛航職員,唔比人過關落船,我堅持我無遲到。最後,我朋友按捺不住,職員又唔肯補飛,就將檯面職員釘書機及黑膠板,""向職員既身旁,最後要求退飛又唔肯,果時一肚氣,最後海關到場,金光飛航先肯應成退飛,點知...出到去,揾買黃牛飛既人退錢。

 

我地一行3人,賣黃牛既好好人,一見到我年初一嬲爆爆就比左封利是我,我之後亦好客氣話,坐噴射飛航幾錢,佢話加$5014:45, 最後用左$250 14:45走。

 

上船後,半途就出事,原來船既摩打壞左,再折返轉船,都覺得今日黑仔,年初一 一波三折,有打算返香港唔去澳門,最後,為免再嘈船公司就16:00 轉船後,繼續出發。

 

當日去到澳門,最後輸左十萬,唉!當時覺得仲贏緊十萬八萬,返香港後,唔再去黎澳門賭一排啦!

 

點知,賭仔性格買下馬會波仔馬仔,又比我贏幾萬,

 

可能覺得自已好運既關係,225放工走去買左六合彩$2000, 8個字...當晚竟然中左六合彩,贏左4$34000.

 

當時頓然間,又比我係香港執dd...贏返年初一輸果十萬蚊,極之開心。

 

228日我約左個fd落廣州玩,可能贏咁多... 緊係揾籍口去賭,果日星期六去左澳門金沙城又再次輸六萬蚊,之後又去珠海(關閘)訂酒店過夜,第二朝起身,又唔甘心再去澳門"銀河" 賭場,再次輸左4萬。

 

賭到戶口,無錢襟...唯有死死氣同朋友落廣州玩左一兩日,之後返香港。

 

 

總結: 依個半月,可能對於有錢人/賭仔贏十萬廿萬,無咩特別,但係我體會到既,除左係大喜大落之外,仲有點樣控制賭注/離開賭場心態...

 

 

我只可以講自已,依個月係極好運氣,但唔代表D賭,就一定賭到錢。

 

 

百家樂心得如下:

1. 賭錢要定定贏錢線

2. 贏錢時,千萬唔好諗住追到輸依鋪先走

3. 要小注賭,慢慢探路,磨住贏

4. 千萬輸錢,勿大注

5. 記緊當D籌碼係錢,贏到一萬就換現金,再拎小量錢,慢慢磨上去。

6. 唔應該賭超過兩粒鐘

7. 揾出自已認為最精神及旺既時間

8. 切記肚餓及眼訓去賭

9. 我個人賭百家樂,會跟住上一鋪開閒就買閒,跳路開莊就買莊,因為咁賭係copy緊上一鋪的機會率,當遇長路,就贏到笑,要死追長閒長莊賭。

所以揾賭檯自然係無單跳百家樂檯,咁樣贏大左。

10. 別人大注時,切記買對家及跟大注買。

11. 賭本大約兩萬,每鋪$1000-$3000, 咁既注額羸錢好快幾萬,就易滿足自已心態就閃。

12. 賭場贏到既一萬幾千,但切記諗住賭場贏到大錢,因為賭場既電子及人才,唔係單單靠運咁簡單。

13. 緊記贏左錢,要諗方法用左部分,唔好輸突,除非你諗住一世唔再入賭場。

好有同感:心態+精神狀態+注碼控制+自控能力是關鍵
師兄,多謝分享。但想問一問: 第10和12點中的“切記”,其實係“切記”定係“切忌” (意思相反)?