賭船之多分享

發表帖子
来源:轉載

話說小弟早幾日上賭船開心,瞭解左D情況,現向大家分享下。
首先而家活躍系香港海面有7只賭船之多,競爭非常激烈。甘好自然就系賭友之福,因為選擇多。
而家賭船有:雙魚星,中華之星,神龍號,大都會,明都會,澳門實德,集美。其中賭船環境較好既就有雙魚,中華之星,神龍號。而實德就算中中間間果類啦。而我果日就上左澳門實德,原因點解,因為之前上過,覺得服務唔錯,而且最重要就系無扒仔煩。環境都算過得去,比較抵玩。
講下價錢方面啦,實德系買一萬泥碼,就送海景大床房,送3百推廣碼。買5千泥碼既話就要補多一舊,配雙人或四人房(可一人入住)如果買飛上既話,系250蚊,如果一個人上的話就加多一舊,同樣系配雙人房或4人房(可一人入住),送3百推廣碼,唔想局賭既話,可以考慮呢個方法。包三餐布飛(晚餐,宵夜,早餐,其中晚餐唔錯,比以往有所提高)甘既價錢系超值的。
船上服務唔錯,賭台方面,百家樂系兩舊台起步,無得睇牌,荷官開牌,5舊台以上就可以有得睇。全系95台,得一張大水。大細有一張,一舊起步。
賭客方面,香港同大陸各半到啦,但都系賭得唔算大。賭得大既果D,系VIP玻璃房,小弟有幸,女公關帶我入去見識左一陣。(原因系我果日話暈船浪,所以距請左我入去坐左一陣,
其實我就已經索左少甜,個女公關走過來搵我吹左幾句,我就借意話頭暈,唔賭啦,所以距請我入去VIP玻璃房到坐左一陣,服務好好,同我吹左下水,全程用普通話鳩流。)果度全系女公關代客電話投注,賭得好大,全部都推20,30萬一口以上。呢D客先系賭船真正賺錢既門路,其他散客跟本好能維皮到只船。
另外系船上同D賭客吹水,距地都覺得話中華之星,同神龍號唔錯,不過呢兩隻船隻可以透過仲介來買泥碼上船,無得好似實德甘,自己去幫襯船公司,重可以買飛上都得!同埋食方面都唔錯,不過賭台最低系5舊起步。
最後提提大家,如果要想船玩,尤其系好似近排風浪較大的話,上船前最好要求要船中間偏後既房,因為甘會平穩D,我果晚因為無經驗,間房系靠船頭,而賭場系靠船尾,所以都拋得好緊要,,企都企唔穩,其中都有唔少人暈浪,船上拍暈浪丸,一開始既時候,我都頂唔順,有少少暈暈地,不過後來都無乜事,我都堅持唔世暈浪丸(賭之前食左會對賭運有影響),所以有幸小甜3K。不過我都佩服D.C9,成晚系賭場飛來飛去,系不同既台投注。,應該系經常上船玩既客來。另外實德真系非常抵玩,250蚊就可以食住玩,有300推廣碼送,如果行職賭成本算好低。如果想整條女上去開心,甘重更加抵玩啦,好過去開房,上到船又唔走得,你想點玩都得。

實德有桑拿如果搞野就千6。
JJ呀,唔系個個性欲都好似你甘強架.