澳博內鬥?傳四太攝猷亨入「權力核心」老臣子有微言

發表帖子
来源:轉載

就嚟96歲嘅賭王何鴻燊擁有千億賭業王國,早前十姑娘力阻何鴻燊搞澳博上市,二房同四房鬥法,今日有周刊指,四太梁安琪上周五喺澳博董事會上,提議俾一個50萬嘅細項目予大仔猷亨去搞,點知老臣子即喺背後有閒言,覺得四太想攝猷亨入「權力核心」。

 

四太係直接持有百分之八澳博股分,屬澳博第二大股東,兼係唯一喺董事局嘅何家女人,而最大股東係持有五成五股分嘅澳門娛樂公司,即係二、三、四房都有份,據報道稱澳博行政總裁蘇樹輝一直都係向代賭王向幾房人分「家用」。

 

據知四太兩個寶貝仔猷亨已入澳博工作,又指搵猷亨做電腦部,方便掌握客人數據同公司財政機密。盛傳二房超瓊以猷亨年紀仲細為由,暫時唔俾佢入重要部門,只係俾佢入去學吓嘢先。

 

現時超瓊管理新、舊葡京,四太管理海立方、回力球及凱旋門等,猷亨目前係「澳博路氹城項目合資企業及業務發展高級經理」,四太又搵咗幾個「太傅」,包括哥哥禤偉旗、與成立亨偉集團,四太又搵前恒隆執董吳士元出山打理四太旗下兩間公司嘅生意,等猷亨學習。