內疚贏錢

發表帖子
来源:轉載

小弟已經停止賭博8個月,雖然唔係誓神劈願戒賭,但期間總算心如止水,無心思思想賭返。

 

最近由於工作有壓力,及想去一個一萬蚊嘅旅行,竟然突然想去賭。 諗咗幾日,結果琴晚去咗。

 

本金8k, 後備軍50k. 去咗永X,  換錢之際,個大6佬大客,問我換幾多,佢成手5k碼,咁我只可以同去換一個5k, 咁跟住我想打散5k, 佢都話唔好,咁我買哂5k啦,中咗,以為佢真係咁旺,跟買double 10k啦,輸咗。

 

咁唯有轉枱玩啦,得番3k cash, 見隔離枱開緊庄痴閒唔痴,咁就買哂3k庄,中咗,double5k買痴庄(留番1k責袋), 又中,跟住停一停等下一個痴庄,第一口買6k庄中, double11k買痴庄又中,又停一停等下一個痴庄,又嚟6k,11k中哂,最後一次6k輸咗,原來已經贏咗31k. 馬上走人,前後在賭場不足半個鐘。

 

雖然今次贏咗錢夠去旅行,但離場時心情十分沉重,好擔心自己會再次沉迷賭博,畢竟停止賭錢8個月,話易唔易,自己都唔想比賭錢影響到人生。

 

我相信未來我都唔可以完全停止賭錢,只希望可以每次贏少少心足,及可以去少d (一年兩三次) 及唔好再輸錢辣㷫自己,否則後果不堪設想。