【壹週刊】賭場怪異風水》滴血樹蛇陣曝光!麥玲玲都不寒而慄

發表帖子
来源:轉載

hahaha~~

 

 

澳門賭業不㫁下插,《壹》仔去䦕澳門賭場巡兩圈,當然唔止葡京個沙圈啦,入到去銀河,真係俾佢個風水陣嚇到個心離一離!

 

銀河官網自稱酒店客房也契合風水設計,當走進銀河運財銀鑽廳,連澳門旅遊局也介紹為財來運轉之局,更使壹仔感覺到,四周明顯有精心風水布局。

 

首先啲燈光佈置一時慘紅一時慘綠,噴水池旁邊仲有個「蛇陣」,唔知原本係乜嘢造型嘅燈管,好似數以千計嘅眼鏡蛇喺度鑽,加埋藍藍紫紫嘅燈光,好得人驚。

 

《壹》仔以為去咗萬聖節去到哈佬畏鬼屋,最最最恐佈喺穿越條橋,兩傍的檥樹木撓掛住紅色LED燈,幾棵樹好似一齊不斷流血,你都咪話唔驚。去賭場梗係要開開心心架啦,成件事真係錯晒!

 

《壹》仔訪問玄學師麥玲玲解構點解有咁嘅佈局,佢第一眼睇都當場嚇一跳,玲玲師傅說:「我睇呢類顏色,係有點詭異感覺,傾向紫紫藍藍,整體感覺令你不寒而慄。」

 

玲玲師傅先用心理學分析:「呢類情景讓你嚇一嚇,有時決定性的情況會做錯,賭錢最梗要思路清晰。 」

 

 

風水角度原來係對賭場有利喎,玲玲師傅說:「藍色似乎是屬水,水面感覺似水母,八爪魚,賭場好多時以形態的嘢找住賭客,無論水母痴住你又好,八爪魚爪住你又好,感覺上是捉住賭客,坐定定唔好走,唔好太匆忙。」

 

她又指:「銀河本身是金﹑水比較旺,如果木﹑火比較旺的人,進入賭場賭較是有著數,賭場削弱這些人,達至五行平衡。」

 

說回賭場「嚇窒」賭客的招數,有指賭權未開放的年代,荷官通常以「黑口黑面」兼聲大夾惡來抗衡賭客,希望鋤對方氣勢,讓對方不會贏錢。

嗱,賭場有張良計,賭客自有過牆梯,留有下一動新聞,點樣拆解賭場風水陣。

 

當然各花入各眼,有人覺賭場外如此擺設當然似風水陣,也有人覺得像藝術家Dale Chihuly的玻璃作品影子,大家只是當入賭場的趣聞罷了,賭客也不必太認真。

 

而且,風水呢樣野,講到底都係迷信兼且無科學根據,賭客當趣聞增加去賭場過癮感覺外,切勿過份認真。

Filtered HTML

  • 自動斷行和分段。
  • Textual smiley will be replaced with graphical ones.

Plain text

  • 自動斷行和分段。
  • Textual smiley will be replaced with graphical ones.
Enter the words above: Enter the words you hear: